FATUK SINAI, OECUSSE

Rai Doben Timor Leste ukun Aan ona iha tinan sanulu resin rua (tinan 12) nia laran maibe mos povu iha parte balun seidauk konfia katak timor Leste Ukun an tebes ka lae. Tamba   iha rai pedasuk ida  iha  Komunidade Suku Bene-Ufe, Sub-Distritu Nitibe, Distritu Oecusse, triste ho rai rohan ida nebe sira naturalmente tinan tinan harohan ba fatuk sinai hodi fo udan ben ba sira hodi halo to’os no Natar, to’o agora komunidades iha suku Bene-Ufe, Sub-Distritu Nitibe laran triste tamba keta sira mos ema Indonesia karik ? tamba rai nebe sira nia parte bele sai tiha Rai Indonesia nian iha tempu ukun an iha 2002 bainhira ita dada bandeira da RDTL iha Tasi Tolu. Agora dadaun ne’e Komunidades Bene-Ufe, halo serimonia ritual iha distansia dok tebes husi fatin refere tamba tauk ona tentara Indonesia halo   sira nia postu iha fatuk nia Leten no tentara Indonesia la autoriza para komunidades Timor Oan labele ona ba halao’o serimonia ritual iha fatin refere tamba rai ne’e laos Timor nia rain. Nudar Timor Oan Povu Maubere Aintanan nia Oan triste vainhira direitu ba Timor Oan sempre halokon husi ema seluk tamba desizaun politika.

Komunidade Suku Bene-Ufe, Sub-Distritu Nitibe, Distritu Oecusse, sente triste no preokupa maka’as tamba militar Indonesia nian Tentara Nasional Indonesia (TNI) hadau illa Fatuk Sinai.

Waninhira dada lia ho Sr. Marcos Teme nia hateten katak, wainhira Fatuk Sinai maka partense ona ba Indonesia automatikamente Timor-Leste (TL) bele lakon tan rai ketan Naktuka tamba oras ne’e dadauk komunidade husi Indonesia nian balun hela ona iha ne’eba. iha tempu uluk tantu husi Portugal nia tempu to’o Indonesia nian Fatuk Sinai ne’e partense ba Citrana, Suku Bene-Ufe nian, maibe hafoin Timor-Leste restaura nia independensia Indonesia tau postu TNI iha Fatuk Sinai hodi hatudu katak Fatuk Sinai sai partense ba Indonesia.Tamba ne’e Fatuk Sinai maka la rezolve lalais hodi haloos liña fronteira hanesan uluk iha tempu Portugues no tempu Indonesia nian ne’ebe maka hatudu katak illa Fatuk Sinai partense ba Timor-Leste entaun Naktuka mos bele partense ba Indonesia.

“Uluk ita nia Fronteira ne’e dada husi mota Noemna ba to’o Fatuk Sinai, tamba ita nia fronteira ne’e mos tau pilar ida iha tasi laran, aban bainrua sira sukat ida ne’ene Naktuka ne’e mos sira bele lakon tamba ne’e uluk dada husi rai maran to’o tasi laran ne’e tama ita nian, ida ne’e maka hau nudar povu Timor – Leste nia oan sente tauk oituan keta halo se dada lina ne’e ita nia rai pedasuk ida Naktuka ne’e mos sira bele foti.

Fatuk sinai ne’e fatin ida nebe Kapas no Bonitu los, ita bele halo investimentu ituan hodi halo kontrusaun ba fatin turismu ida iha neba hodi nune’e bele dada turista sira balun ou bele mos fatin peskija ruma iha fatin ne’e, tamba fatin ne’e kapas no laiha movimentu ruma nebe halo barulhu iha neba.

Karik Rai pedasuk ne’e maka seidauk los ou laos halo parte ba Mapa Timor Leste, Ministerio Negocio de Estrangeiros tenke fo  sai nomos sesilbiliza rai refere ba Komunidades area Bene Ufe ka iha Area Fatuk sinai hodi nune’e sira bele komprende i la sente lakon buat ruma ba sira nia preokupasaun moris loro-loron nian, tamba se kuandu iha fali mapa seluk ruma karik atu hatudu katak area Fatuk sinai ne maka Laos Timor Leste nian, entaun komunidades nebe hela iha area refere ne’e mos laos sidadaun Timor Leste nian bazeia ba Mapa Seluk ruma nebe sei hatudu ba ita hotu.

Hau hanoin katak atu sai Nasaun Soberanu ida i konhese iha mundu Internasional ita tenki iha ona ou bele ona prense kriterius 4 mak hanesan,

1.      tenki iha  teritorio Nacional, nebe kompostu husi Maritima, Aireo (udara) i Terrestre. iha ida ne’e maka Povu hala’o nia moris nudar sidadaun nomos Estadu bele halao nia Funsaun.

2.      Tenki iha Povu : se kuandu laiha Povu ida iha Nasaun, maka atividades estadu nia ou estadu labele funsiona tamba laiha agente ruma sai hanesan Makina ba Estadu.

3.      Estadu ida nebe Soberano, estadu ida nebe diak tenki iha Airin nebe forte mak hanesan : Legislativu, Yudikativu, ezekutivu nomos sira seluk tan, nebe bele interpreta serbisu estadu nian nebe Soberano.

4.      Rekonesementu husi Nasaun Seluk, atu hateten katak Nasaun ida nebe Soberanu, presiza rekonesementu husi nasaun seluk, nomos Mundu Internacional sei la aseita kuandu nasaun ida iha fali nasaun ida nia laran nebe hetan ona nia Independencia.

Se kriterius hirak nebe temi iha leten ne’e maka los, entaun distinu Rai pedasuk ida nebe hanaran Fatuk sinai ne’e laos halo parte ba Timor-Leste inomos Povu iha area refere ne’emos laos Komunidades Timor-Leste nian. Perigu ituan kuandu nasaun ukun an ona maibe nia lina fronteira seidauk klaru. Ketahalo ita sai fali hanesan Israyel ho Palestina.

 hanesan komunidade iha suku Bene-Ufe rasik sente triste tamba illa Fatuk Sinai desde tempu beiala sira nian populasaun Bene-Ufe tinan-tinan halo serimonia ritual, tradisaun lulik suku refere nian hodi harohan ba Fatuk refere.

Nia afirma tan katak wainhira udan la mai komunidade liu-liu lisan ne’ebe maka sempre harohan ba Fatuk Sinai sempre harohan ba fatuk refere hodi husu udan ben nune’e komunidade sira bele halo toos no natar.

“Uluk sei iha tempu Portugal no mai to’o iha tempu Indonesia nian mos iha tinan-tinan ita halo acara adat (serimonia ritual) se wainhira udan la mai ita husu ba iha ne’eba (Fatuk Sinai-red) no udan bele mai mos ita nafatin adora maske ita la ba to’o iha ne’eba, so iha mota ibun, tasi ibun nian maka ita harohan ba deit, tamba dok,”dehan Xefe suku Bene-Ufe ne’e.

Populasaun suku Bene-Ufe fiar katak Illa Fatuk Sinai partense ba Timor-Leste tamba populasaun iha evidensia ne’ebe hatudu katak populasaun sira ne’ebe hela besik iha area refere tinan-tinan harohan ba Fatuk refere.

“Iha tempu ukun-an ne’e Indonesia dehan fali sira nian ne’ebe ami nuudar komunidade husi suku Bene-Ufe ami sente triste oituan tamba tuir loloos ne’e ami hatene katak Fatuk Sinai ne’e ita nian tamba iha bukti, bukti ne’e iha uman ida iha ne’e depois ho sanan ne’ebe maka iha tinan-tinan ita lori buat ne’e sai ba tasi ibun hodi halo tuir serimonia ritual iha tasi ibun,”Simão Carvalho hateten.

Maibe iha tempu ukun-an Indonesia tau fali postu TNI iha Fatuk refere. tamba ne’e hanesan komunidade sente triste tamba hanesan hadau deit Fatuk refere tamba laiha konsultasaun entre nasaun rua.

“Ami haree katak sira hadau duni tamba sira hela iha ne’eba, tau postu TNI iha ne’eba. tuir loos ita tenki konsultasi ba malu, husu malu mai sira tuur deit ami sente ida ne’e hanesan hadau deit husi ami,”dehan Xefe Suku ne’e.

Tamba ne’e komunidade husu ba Estadu Timor-Leste no Indonesia atu haree no rezolve lalais problema refere tamba komunidade sira sente lajustu.

Xefe Suku Bene-Ufe haforsa tan katak Fatuk Sinai Forsa Indonesia nian maka okupa deit maibe komunidade husi parte Indonesia nian ne’ebe maka halo baliza ho Bene-Ufe sira hatene hotu katak Fatuk Sinai partense ba Timor-Leste liu-liu suku refere nian.

Xefe suku antigu iha tempu okupasaun Indonesia nian, Jaime Carvalho, hateten kona ba Fatuk Sinai nia rasik ladun hatene tamba iha momentu nia parte sei Xefe Suku la koalia kona ba Fatuk ferere. maibe to’o iha tempu ukun-an maka koalia. Nia dehan, tuir populasaun husi suku refere maka harohan ba fatuk Sinai kada tinan tamba ne’e la justu wainhira fatuk refere okupa fali husi parte Indonesia nian.

Maske nune’e oras ne’e dadauk governu Timor-Leste liu husi Ministerio Negosio Estranjeiru no Kooperasaun (MNEK) no Ministerio Negosio Estranjeiru Indonesia nian kontinua halo esforsu hodi estabele ekipa konjunta entre Timor-Leste no Indonesia nian hodi haree no rezolve problema refere maibe to’o ohin loron seidauk iha rezultadu.dgx